اسلام آباد: وزیراعظم شہبازشریف سے آرمی چیف جنرل سید عاصم منیر نے ملاقات کی ہے، جس میں سکیورٹی سمیت دیگر امور پر تبادلہ خیال کیاگیا ۔
آرمی چیف جنرل سید عاصم منیر نے وزیراعظم میاں محمد شہباز شریف سے پی ایم ہاوٴس میں ملاقات کی، جس میں انہوں نے وزیراعظم کو منصب سنبھالنے پر مبارک باد دی اور اپنی نیک خواہشات کا اظہار کیا۔
ملاقات میں پاک فوج کے پیشہ ورانہ امور، سکیورٹی صورت حال اور دیگر معاملات پر بات چیت کی گئی۔
یادرہے کہ ایک روز قبل ہی سابق صدر آصف زرداری اور چیئرمین پیپلز پارٹی بلاول بھٹو زرداری نے بھی وزیراعظم شہباز شریف سے ملاقات کرکے انہیں عہدہ سنبھالنے پر مبارک باد دی تھی۔ ملاقات میں ملکی سیاسی صورت حال اور حکومت سازی کے معاملات پر گفتگو کی گئی۔
