وزیر اعظم سے پیپلز پارٹی کے وفد کی ملاقات، بجٹ سے متعلق تبادلہ خیال

اسلام آباد: وزیراعظم شہباز شریف سے پاکستان پیپلز پارٹی کے وفد نے ملاقات کی۔جس میں بجٹ سے متعلق مشاورت سمیت دیگر سیاسی امور پرتبادلہ خیال کیا گیا ۔

پیپلز پارٹی کے وفد میں سابق وزیراعظم راجہ پرویز اشرف، سید نوید قمر، وزیر اعلیٰ سندھ مراد علی شاہ اور شیری رحمان شامل تھیں۔

ملاقات میں وزیر خارجہ اسحاق ڈار، احسن اقبال، رانا ثناء اللہ اور اعظم نذیر تارڑ بھی شریک ہوئے۔

ملاقات کے دوران ملک کی مجموعی و سیاسی صورتحال پر بات چیت کی گئی۔ علاوہ ازیں مالی سال 25-2024 کے بجٹ کے حوالے سے بھی مشاورت کی گئی۔