آئینی ترامیم معاملہ ،خصوصی کمیٹی کا اجلاس آج دوبارہ ہو گا،پی ٹی آئی کی بھی شرکت متوقع

اسلام آباد:مجوزہ 26ویں آئینی ترامیم کے معاملے پر پارلیمنٹ کی خصوصی کمیٹی کا اجلاس آج دوبارہ ہو گا۔

اجلاس پارلیمنٹ ہاوٴس میں دن ساڑھے بارہ بجے خورشید شاہ کی صدارت میں ہو گا۔

اجلاس میں جے یو آئی ف آج آئینی ترامیم سے متعلق اپنا مسودہ پیش کرے گی جبکہ پیپلز پارٹی اور ن لیگ کے مسودوں پر بھی غور ہو گا۔

ذرائع کے مطابق کہ پاکستان تحریک انصاف اور سنی اتحاد کونسل کے اراکین کا بھی آج اجلاس میں شرکت کا امکان ہے۔