بانی پی ٹی آئی اور بشریٰ بی بی کے خلاف 190 ملین پاوٴنڈ کیس میں وکیل نے وقت مانگ لیا

اسلام آباد:بانی پاکستان تحریک انصاف عمران خان اور ان کی اہلیہ بشریٰ بی بی کے خلاف 190 ملین پاوٴنڈ کیس میں وکیل نے وقت مانگ لیا۔
بانی پی ٹی آئی اور بشریٰ بی بی کے خلاف 190 ملین پاوٴنڈ کیس کی سماعت احتساب عدالت میں ہوئی۔
بانی پی ٹی آئی کی جانب سے معاون وکیل عنصر کیانی احتساب عدالت میں پیش ہوئے جبکہ نیب کے ڈپٹی پراسیکیوٹر سردار مظفر اور تفتیشی افسر احتساب عدالت میں پیش ہوئے۔
کیس کی سماعت احتساب عدالت کے جج ناصر جاوید رانا نے کی۔
معاون وکیل عنصر کیانی نے کہا کہ سینئر وکلاء اسلام آباد ہائی کورٹ میں مصروف ہیں، تھوڑا وقت دے دیں، سینئر کونسل سے کنفرم کرلیتا ہوں کیا ہدایات ہیں۔
معاون وکیل نے کہا کہ جیل میں سیکیورٹی سے متعلق نوٹیفکیشن میں توسیع ہوگئی ہے، سماعت اڈیالا جیل میں نہیں ہو سکتی۔
عدالت نے 190 ملین پاوٴنڈ اسکینڈل کیس کی سماعت 28 اکتوبر تک ملتوی کردی۔