نیلم منیر نے اپنی شادی کی خوبصورت تصویریں شیئر کر دیں

پاکستانی خوبرو فلم و ٹی وی اداکارہ نیلم منیر نے اپنی شادی کی خوبصورت تصویریں شیئر کر دی ہیں۔
لاکھوں دل توڑ کر اداکارہ نیلم منیر پیا گھر سدھار چکی ہیں۔انہوں نے اپنی زندگی سعودی عرب کے شہری محمد راشد کے ساتھ گزارنے کا فیصلہ کیا ہے۔
اداکارہ کی اچانک شادی سمیت ملک سے باہر دولہا کو چننے کے فیصلے نے انٹرنیٹ صارفین کو حیران کر دیا ہے۔
اداکارہ نے کچھ گھنٹوں قبل اپنی مہندی اور نکاح کی تصویروں کے بعد شادی کے خوبصورت فوٹو سیشن کو شیئر کیا ہے۔ان تصاویر میں نیلم مینر کو اپنے دولہا کے ساتھ پاکستانی روایتی انداز میں عروسی لباس پہنے ہوئے دیکھا جا سکتا ہے جبکہ اداکارہ کے ہمسفر نے بھی کریم رنگ کی شیروانی زیبِ تن کی ہوئی ہے۔
اس فوٹو سیشن میں یہ جوڑی نہایت خوش اور حسین نظر آ رہی ہے جبکہ اس پوسٹ کے کمنٹ باکس میں صارفین اس نئے نویلے جوڑے کے مستقبل کے لیے دعاوٴں اور نیک تمناوٴں کا اظہار کر رہے ہیں۔