اسلام آباد:وفاقی حکومت نے پٹرولیم مصنوعات کی قیمتوں میں 3.47 روپے لیٹر تک اضافہ کردیا ہے۔
وزارت خزانہ کی جانب سے نوٹیفیکیشن جاری کر دیا گیا ہے۔
وزارت خزانہ کے مطابق پٹرول کی قیمت میں 3.47روپے فی لیٹر اورہائی اسپیڈ ڈیزل کی قیمت میں2.61روپے فی لیٹر کے حساب سے اضافہ کیا گیا ہے۔
حکومت کی جانب سے مقرر کردہ پیٹرولیم مصنوعات کی نئی قیمتوں کے بعد پیٹرول 3 روپے 47 پیسے فی لیٹر مہنگا کیا گیا ہے جس کے بعد پٹرول کی قیمت252.66 روپے فی لیٹر سے بڑھا کر قیمت 256 روپے 13 پیسےفی لیٹرمقرر کی گئی ہے۔
نوٹیفکیشن کے مطابق ہائی اسپیڈ ڈیزل بھی 2 روپے 61 پیسے فی لیٹر مہنگا کیا گیا ہےجس کے بعد ہائی اسپیڈ ڈیزل کی قیمت 258.35روپے فی لیٹر سے بڑھا کر 260.95روپے فی لیٹر کردی گئی ہے۔
نئی قیمتوں کا اطلاق رات بارہ بجے سے کیا گیا ہے جو اگلے پندرہ روز تک لاگو رہیں گی ۔
