اسلام آباد:حکومت پاکستان نے اپنے شہریوں کے لئے ایران کاسفر کرنے کے حوالے سے ٹریول ایڈوائزری جاری کردی ۔
حکومت پاکستان کی جانب سے جاری ٹریول ایڈوائزری میں ہدایت کی گئی ہے کہ اسرائیل کے حملوں کے پیش نظر پاکستانی شہری محدود مدت تک ایران کا سفر نہ کریں۔حکومت پاکستان اپنے شہریوں کی سلامتی اور حفاظت کے حوالے سے صورتحال پر گہری نگاہ رکھے ہوئے ہے ۔
ٹریول ایڈوائزری میں مزید کہاگیاہے کہ ایران میں موجود پاکستانیوں کی بحفاظت واپسی کے لیے وزیراعظم شہباز شریف کی ہدایات کی روشنی میں پہلے ہی ضروری اقدامات اور انتظامات جاری ہیں۔
