اسلام آباد:وزیرِ اعظم محمد شہباز شریف سے وفاقی وزیرِ داخلہ و چیئرمین پاکستان کرکٹ بورڈ سید محسن رضا نقوی نے ملاقات کی ۔محسن نقوی نے آئی سی سی ٹی-20 ورلڈ کپ اور بنگلہ دیش کرکٹ بورڈ کے مابین حالیہ صورتحال پر وزیرِ اعظم کو تفصیلی بریفنگ دی۔
دوسری جانب ”ایکس” پراپنے بیان میں چیئرمین پی سی بی محسن نقوی نے بتایاکہ وزیر اعظم محمد شہباز شریف سے ایک بامعنی ملاقات کی۔ اس دوران وزیراعظم کو آئی سی سی کے معاملے سے متعلق بریفنگ دی۔
محسن نقوی نے بتایا کہ وزیر اعظم نے ہدایت دی کہ اس مسئلے کو تمام ممکنہ اختیارات کو مدنظر رکھتے ہوئے حل کیا جائے۔ ملاقات میں یہ اتفاق ہوا کہ حتمی فیصلہ جمعہ یا اگلے پیر تک کیاجائے گا۔
