بیجنگ : چین کے صوبہ شانشی میں عمارت میں آگ لگنے سے 26افراد ہلاک ہوگئے جبکہ متعدد زخمی ہیں جنہیں ہسپتال منتقل کر دیا گیا ہے ۔
خبر رساں ادارے کے مطابق مقامی سرکاری میڈیا کاکہنا ہے کہ جمعرات کی صبح پرلولیانگ شہر کے ضلع لیشی میں کوئلے کی کمپنی یونگجو سے منسلک عمارت کی چوتھی منزل میں آگ بھڑک اٹھی ۔
امدادی ٹیموں نے درجنوں کی تعداد میں لوگوں کو محفوظ مقام پر منتقل کیا جبکہ 63افراد کو ہسپتال لے جایا گیا ، آتشزدگی سے اب تک 26 افراد جان کی بازی ہار گئے ہیں ۔
مقامی میڈیا کے مطابق علاقے میں ریسکیو آپریشن جاری ہے اور آگ لگنے کی وجوہات جاننے کے لیے تحقیقات کی جا رہی ہیں۔
یاد رہے کہ رواں برس بیجنگ میں ماہ اپریل میں آتشزدگی کے واقعے میں 29 افراد جان سے ہاتھ دھو بیٹھے تھے ۔
