شیخوپورہ: قتل کے بعد مقتول کاانگوٹھاکاٹ کر اے ٹی ایم سے 10 لاکھ روپےنکالنے والا ملزم گرفتار کر لیا گیا، افسوس ناک واردات شیخوپورہ میں ہوئی ہے.
شیخوپورہ میں خالہ زاد بھائی کو دھوکے سے قتل کرنے کے بعد قاتل نے قتل کے بعد کزن کا انگوٹھا کاٹ کر اے ٹی ایم استعمال کی گئی،ملزم کو پولیس نے گرفتار کرلیا۔
اس حوالے سے نجی ٹی وی کی رپورٹ کے مطابق شیخوپورہ پولیس نے جدید ٹیکنالوجی اور ہیومن انٹلی جنس کی مدد سے مقتول کے کزن کو دو دوستوں کے ساتھ گرفتار کرلیا۔
پولیس حکام کا کہنا ہے کہ ملزمان نے والدین کے اکلوتے بیٹے یاسین کو گولی مار کر قتل کیا اور اس کا انگوٹھا کاٹ کر اے ٹی ایم سے 10 لاکھ روپے نکال لیے۔
پولیس کے مطابق ملزمان بوری بند لاش نہر میں پھینکنے جا رہے تھے کہ پولیس نے گلی میں کھڑی کار سے لاش برآمد کرلی، ملزمان سے مقتول کا کٹا ہوا انگوٹھا بھی برآمد کیا گیا۔
پولیس کے مطابق ملزمان انگوٹھے کو استعمال کرکے مزید رقم نکلوانا چاہتے تھے، مقتول یاسین والدین کا اکلوتا بیٹا اور فیصل آباد کا رہائشی تھا۔
