راولپنڈی سیکیورٹی فورسز نے دہشت گردوں کی موجودگی کی اطلاع پر شمالی وزیرستان کے ضلع خیسور میں انٹیلی جنس کی بنیاد پر آپریشن کیا۔ چار دہشت گرد مارے ہوگئے ۔
آئی ایس پی آر کے مطابق سیکیورٹی فورسز نے مؤثر طریقے سے دہشت گردوں کے ٹھکانوں کو نشانہ بنایا۔جس کے نتیجے میں چار دہشت گردوں کو جہنم واصل کر دیا گیا۔جس میں ایک ہائی ویلیو ٹارگٹ دہشت گرد سرغنہ ابراہیم موسی شامل تھا۔
آئی ایس پی آرکا کہنا ہے کہ دہشتگرد قانون نافذ کرنے والے اداروں کو انتہائی مطلوب تھا۔مارے گئے دہشت گردوں کے قبضے سے اسلحہ، گولہ بارود اور دھماکہ خیز مواد بھی برآمد ہوا۔جو دہشت گردی کی متعدد کارروائیوں میں ملوث رہے۔
آئی ایس پی آر کا کہنا ہے کہ علاقے میں پائے جانے والے دہشت گردوں کو ختم کرنے کے لیے آس پاس کے علاقوں میں کلیرنس اپریشن جاری ہے۔
آئی ایس پی آر کا کہناہے کہ پاکستان کی سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔
