جہانگیر ترین سے علیم خان کی ملاقات، سیٹ ایڈجسٹمنٹ اور انتخابات سے متعلق گفتگو

لاہور: سربراہ استحکام پاکستان پارٹی جہانگیر خان ترین اور صدر عبدالعلیم خان کی اہم ملاقات ہوئی۔

جہانگیر خان ترین اور عبدالعلیم خان کی ملاقات میں سیٹ ایڈجسٹمنٹ اور آنے والے انتخابات پر تفصیلی تبادلہ خیال کیا گیا۔

ملاقات میں سینئر رہنما اسحاق خاکوانی، ایڈیشنل سیکرٹری جنرل عون چودھری اور نعمان لنگڑیال بھی موجود تھے۔

خیال رہے کہ الیکشن کمیشن کی جانب سے انتخابات کی تاریخ دینے سے سیاسی ہلچل میں تیزی آگئی ہے اور سیاسی جماعتوں میں جوڑ توڑ کا سلسلہ بھی جاری ہے۔