واشنگٹن:ایران اور اسرائیل کے درمیان بڑھتی ہوئی جنگی کشیدگی کے پیشِ نظر امریکی شہریوں کی جانب سے خدشات میں اضافہ ہو رہا ہے۔ عوامی رائے میں اکثریت نے امریکہ کے اس تنازع میں ممکنہ فوجی شمولیت پر تشویش کا اظہار کرتے ہوئے سفارتی ذرائع سے مسئلے کے حل پر زور دیا ہے۔
امریکی شہریوں کا کہنا ہے کہ مشرق وسطیٰ میں ایک اور جنگ کا آغاز نہ صرف عالمی امن کے لیے خطرہ بن سکتا ہے بلکہ اس کے امریکی معیشت اور قومی سلامتی پر بھی سنگین اثرات مرتب ہو سکتے ہیں۔ کئی افراد نے زور دیا کہ حکومت کو چاہیے کہ وہ فوجی مداخلت کی بجائے سفارتکاری اور مذاکرات کے ذریعے کشیدگی کم کرے۔
شہریوں نے واضح کیا کہ وہ امریکہ کی جنگ میں شمولیت کے خلاف ہیں ،ہماری خواہش ہے کہ امریکہ ایک امن پسند کردار ادا کرے۔
