اسلام آباد :العزیزیہ ریفرنس میں سزا کیخلاف نواز شریف کی اپیل اور سزا بڑھانے کے لیے نیب اپیل پر کل اسلام آباد ہائیکورٹ میں اہم سماعت ہوگی ۔ عدالت نے دن دو بجے کا وقت مقرر کررکھا ہے۔
اسلام آباد ہائیکورٹ کے جسٹس عامر فاروق اور جسٹس میاں گل حسن اورنگزیب العزیزیہ ریفرنس میں اپیلوں پر سماعت کریں گے۔
رجسڑار آفس نے کاز لسٹ جاری کررکھی ہے۔ عدالت نے دن 2 بجے کا وقت مقرر کررکھا ہے۔ احتساب عدالت اسلام آباد نے نواز شریف کو سات سال قید کی سزا سنائی تھی۔
انہوں نے احتساب عدالت سے سزا کیخلاف اپیل دائر کررکھی ہے جبکہ نیب نے العزیزیہ ریفرنس میں نواز شریف کی سزا بڑھانے کی اپیل دائر کررکھی ہے۔
