اسلام آباد:سپریم کورٹ نے سویلین کے ملٹری کورٹس میں ٹرائل کیخلاف درخواستیں سماعت کیلئے مقرر کردیں ۔چیف جسٹس پاکستان عمر عطا بندیال کی سربراہی میں نو رکنی بنچ کل پونے بارہ بجے سماعت کرے گا ۔جسٹس قاضی فائز عیسیٰ ، جسٹس سردار طارق مسعود ،جسٹس منصور علی شاہ اور جسٹس یحییٰ آفریدی بھی نو رکنی بنچ کا حصہ ہیں ۔
سپریم کورٹ نے فوجی عدالتوں میں سویلین کے ٹرائل کیخلاف دائر چاروں درخواستیں سماعت کیلئے مقرر کردیں ۔
نورکنی بنچ میں جسٹس قاضی فائز عیسیٰ ، جسٹس سردار طارق مسعود ،جسٹس اعجاز الااحسن ،جسٹس منصور علی شاہ ،جسٹس منیب اختر ،جسٹس یحییٰ آفریدی ،جسٹس مظاہر علی اکبر نقوی اور جسٹس عائشہ ملک شامل ہیں ۔
چیئرمین پی ٹی آئی اور سابق چیف جسٹس جواد ایس خواجہ نے فوجی عدالتوں کو سپریم کورٹ میں چیلنج کیا تھا۔اعتزاز احسن اور کرامت علی نے بھی سویلین کے ملٹری ٹرائل کو چیلنج کیا تھا۔
