بلاول بھٹو نے پارٹی سینٹرل ایگزیکٹو کمیٹی کا اجلاس طلب کرلیا

اسلام آباد:چیئرمین پی پی پی بلاول بھٹو زرداری نے تین جنوری بدھ تین بجے سہ پہر بلاول ہاؤس لاہور میں سینٹرل ایگزیکٹو کمیٹی کا اجلاس طلب کرلیا۔

پاکستان پیپلزپارٹی کی سی ای سی کے اجلاس میں ملکی سیاسی صورت حال اور عام انتخابات کے حوالے سے اہم فیصلے ہوں گے۔

پاکستان پیپلزپارٹی کی عام انتخابات کے حوالے سے مہم اور منشور پر سینٹرل ایگزیکٹو کمیٹی کے اجلاس میں بات کی جائے گی۔