کراچی:پاکستان پیپلز پارٹی کے چیئرمین و سابق وزیر خارجہ بلاول بھٹو زرداری نے انتخابی نتائج کے سامنے آنے میں سست روی پر تشویش کا اظہار کردیا۔
سماجی رابطے کی ویب سائٹ ایکس پر دیے گئے اپنے بیان میں پی پی پی چیئرمین بلاول بھٹو نے کہا کہ انتخابی نتائج ناقابل یقین حد تک سست روی کا شکار ہیں۔
بلاول بھٹو نے کہا کہ پاکستان پیپلز پارٹی کے ابتدائی نتائج حوصلہ افزاء ہیں، پی پی پی امیدوار اور حمایت یافتہ آزاد امیدوار بہتر کارکردگی کا مظاہرہ کررہے ہیں۔
انہوں نےمزیدکہا کہ دیکھتے ہیں کہ آخر میں حتمی نتائج کیا ہوتے ہیں؟
