واشنگٹن: پاکستان پیپلز پارٹی کے چیئرمین اور پاکستان کی پارلیمانی سفارتی مشن کے سربراہ بلاول بھٹو زرداری نے خطے میں امن کی پاکستان کی مستقل خواہش کا اعادہ کرتے ہوئے کہا کہ پاکستان استحکام اور مکالمے کا خواہاں ہے، تاہم بھارت کی بڑھتی ہوئی جارحیت تشویش کا باعث ہے۔
پاکستان پیپلز پارٹی کے چیئرمین اور پاکستان کی پارلیمانی سفارتی مشن کے سربراہ بلاول بھٹو زرداری نے واشنگٹن ڈی سی میں ہارٹ سینیٹ بلڈنگ میں امریکی سینیٹر جم بینکس سے ملاقات کی، جو کہ ایک سینئر ریپبلکن رہنما اور سینیٹ آرمڈ سروسز کمیٹی کے رکن ہیں۔
اس موقع پر چیئرمین بلاول بھٹو زرداری نے سینیٹر بینکس کو پاکستان اور بھارت کے درمیان حالیہ کشیدگی کے بارے میں آگاہ کیا اور بھارت کی بلا جواز جارحیت پر روشنی ڈالی۔ انہوں نے بتایا کہ پاکستان کے سنجیدہ اور حکمت عملی سے بھرپور ردعمل نے عالمی برادری کی نظر میں بھارتی فوجی برتری کے خرافات کو شکست دی ہے۔
بلاول بھٹو زرداری نے خطے میں امن کی پاکستان کی مستقل خواہش کا اعادہ کرتے ہوئے کہا کہ پاکستان استحکام اور مکالمے کا خواہاں ہے، تاہم بھارت کی بڑھتی ہوئی جارحیت تشویش کا باعث ہے۔
انہوں نے امریکہ اور دیگر عالمی طاقتوں سے مطالبہ کیا کہ وہ اصولی موقف اپنائیں اور بھارت کی جنگجو رویوں کو روکنے میں اپنا کردار ادا کریں۔ بلاول بھٹو زرداری نے کہا کہ بھارت کے اقدامات نفرت اور تعصب پر مبنی ہیں جو عالمی امن اور تہذیب یافتہ نظام کے لیے سنگین خطرہ ہیں۔
دونوں رہنماؤں نے دو طرفہ تعلقات، علاقائی تعاون اور پارلیمانی سفارت کاری کو مزید مضبوط بنانے کے راستوں پر بھی تبادلہ خیال کیا۔ ملاقات کے اختتام پر دونوں جانب سے تعاون اور تعلقات کو فروغ دینے پر اتفاق کیا گیا۔
