اسلام آباد:جبری گمشدگیوں پر انکوائری کمیشن نے ستمبر 2025 تک کی رپورٹ جاری کر دی ۔مارچ2011سے ستمبر2025تک10ہزار636میں سے 8986کیس نمٹائے۔
جبری گمشدگیوں پر انکوائری کمیشن نے ستمبر میں لاپتہ افراد کے 113 کیسز نمٹا دیئے۔کوئٹہ میں کمیشن کا علاقائی دفتر صوبہ بلوچستان سے متعلق کیسز کو نمٹاتا ہے۔انکوائری کمیشن کے مطابق بلوچستان میں ستمبر 2025 ءکے دوران 14 لاپتہ افراد گھر واپس پہنچے۔
چیئرمین جسٹس (ر) سید ارشد حسین شاہ کی قیادت میں کمیشن نے 3ماہ میں289 کیسز نمٹائے۔انکوائری کمیشن نے گمشدہ افراد کے اہلِ خانہ کی سہولت کیلئے خصوصی سیل بھی تشکیل دیا ۔
انکوائری کمیشن نے گمشدہ افراد کے بچوں کے ب فارم، پنشن اور دیگر معاملات میں ریلیف فراہم کیا۔کمیشن نے تعلیم، صحت اور دیگر امور میں مدد کے لیے اعلیٰ حکام کو ضروری ہدایات بھی جاری کی۔
