انقرہ:ترک صدر رجب طیب اردوان کا کہنا ہے کہ ہم ایسے ملک میں نہیں رہتے جہاں پارلیمان ختم کر کے بغاوت کی جائے۔
انقرہ میں پارلیمان کے اجلاس سے خطاب کرتے ہوئے ترک صدر نے کہا کہ نئے پارلیمانی سیشن کےلیے نیا آئین ترجیح ہے۔
انہوں نے مزید کہا کہ ترکیہ مہنگائی کے خلاف کوششیں جاری رکھے گا، ترکیہ کی ترقی کےلیے بہت کام کیا گیا ہے۔
رجب طیب اردوان نے کہا کہ اب ہم ایسے ملک میں نہیں رہتے جہاں پارلیمان ختم کر کے بغاوت کی جائے۔
انہوں نے کہا کہ ترکیہ کو یورپی یونین سے کوئی توقعات نہیں ہیں۔ یورپی یونین اپنی غلطیاں خصوصاً ویزا معاملات میں غلطیاں درست نہیں کرتا۔
ترک صدر نے مزید کہا کہ یورپی یونین ترکیہ سے کسی بھی قسم کی توقع کا حق کھو دے گا۔
