اسلام آباد:اقتصادی رابطہ کمیٹی نے انتخابات کیلئے 42 ارب 52 کروڑ روپے سے زائد کی گرانٹ مظور کر لی،افغانستان کو خوردنی تیل اور گھی برآمد کرنے کی بھی اجازت دے دی گئی۔
اجلاس کے بعد جاری اعلامیہ میں کہاگیاہے کہ وزیر خزانہ اسحاق ڈار کی زیر صدارت اقتصادی رابطہ کمیٹی کا اجلاس ہوا۔اعلامیہ میں بتایا گیا ہے کہ الیکشن کمیشن کو آئندہ انتخابات کی تیاری کیلئے10 ارب روپے ابتدائی طور پر جاری کئے جائیں گے۔
مجموعی طور پر ای سی سی نے آئندہ انتخابات کیلئے 42 ارب52کروڑ روپے سے زائد کی گرانٹ منظورکی گئی ہے،خصوصی سرمایہ کاری سہولت کونسل کیلئے 20کروڑ روپے کی گرانٹ منظور کی گئی ہے۔
ای سی سی نے سینما کی صنعت کیلئے صنعتوں کے مساوی بجلی کے نرخ مقرر کرنے کی منظوری بھی دی ہے،اقتصادی رابطہ کمیٹی نے ای سی سی افغانستان کو خوردنی تیل اور گھی برآمد کرنے اورتمباکو پر سیس میں اضافے کی منظوری بھی دے دی۔
ای سی سی نے میدانی علاقوں کیلئے فی کلو سیس میں ساڑھے تین روپے،نیم پہاڑی علاقوں کیلئے بھی سیس میں ساڑھے تین روپے کا اضافہ کیا ہے۔ای سی سی تمباکو کی مختلف اقسام پر بھی سیس میں اضافہ کردیا۔
