بلاول بھٹو سے فیصل کریم کنڈی اور سردار سلیم حیدر کی ملاقات

اسلام آباد: پاکستان پیپلز پارٹی کے چیئرمین بلاول بھٹو زرداری سے نو منتخب گورنر خیبر پختونخوا فیصل کریم کنڈی اور گورنر پنجاب سردار سلیم حیدر نے ملاقات کی۔

ملاقات کے دوران بلاول بھٹو نے سردار سلیم حیدر کو گورنر پنجاب اور فیصل کریم کنڈی کو گورنر خیبرپختونخوا بننے پر مبارک باد دی، سردار سلیم حیدر اور فیصل کریم کنڈی نے بلاول بھٹو کا شکریہ ادا کیا۔

اس موقع پر چیئرمین پاکستان پیپلز پارٹی بلاول بھٹو زرداری نے کہا کہ اُمید کرتا ہوں کہ آپ لوگ بطور گورنر وفاق کی بہتر انداز میں نمائندگی کریں گے۔