فیفا فٹبال ورلڈ کپ 2026 کے ٹکٹوں کی فروخت آج سےشروع ہوگئی ہے۔امریکہ، کینیڈا ور میکسیکو کی میزبانی میں ہونے والے 2026 کے فٹبال ورلڈ کپ تاریخ کا سب سے بڑا ایونٹ ہوگا۔ جس میں پہلی بار48 ٹیمیں اور 104 میچز ہوں گے۔ورلڈ کپ کےٹکٹ مختلف مراحل میں جاری کیے جائیں گے۔پہلے مرحلے میں ٹکٹیں قرعہ اندازی کے ذریعے فروخت ہوں گی ۔
قرعہ اندازی کا عمل 5 دسمبرکو کینیڈی سینٹرمیں ہوگا۔ابتدائی مرحلہ صرف ویزا کارڈ ہولڈرزکے لیے کھلا ہوگا۔۔فیفاکے مطابق اس مرحلے میں ڈائنامک پرائسنگ کا نظام لاگو ہوگا، یعنی ٹکٹوں کی قیمت مانگ کے مطابق مختلف ہوگی۔گروپ اسٹیج کے ٹکٹ کی قیمت 60ڈالرز سے شروع ہوگی۔اورفائنل سمیت بعد کے مرحلوں کے ٹکٹ کی قیمت 6ہزار730ڈالرز تک جا سکتی ہے۔ ٹورنامنٹ کا آغاز 11 جون کو میکسیکو سٹی سے ہوگا، جبکہ فائنل 19 جولائی کو نیو جرسی امریکہ میں کھیلا جائے گا۔
