راولپنڈی: پاکستان تحریک انصاف نے علی امین گنڈاپور کو خیبرپختونخوا کا وزیراعلیٰ نامزد کر دیا۔
بانی پی ٹی آئی اور سابق وزیراعظم کی جانب سے علی امین گنڈاپور کو وزیر اعلی ٰخیبرپختونخوا نامزد کیا گیا ہے۔بانی پی ٹی آئی نے اڈیالہ جیل میں صحافیوں سے غیر رسمی گفتگو میں کہا ہے کہ پاکستان مسلم لیگ ن، پیپلز پارٹی اور متحدہ قومی موومنٹ (ایم کیو ایم) سے کوئی بات چیت نہیں ہو گی۔
انہوں نے صحافیوں سے گفتگو کرتے ہوئے مزید کہا ہے کہ انتخابات میں دھاندلی سے ملک میں عدم استحکام بڑھے گا۔
واضح رہے کہ علی امین گنڈاپور 8 فروری کو ہونے والے عام انتخابت میں این اے 44 سے 93443 ووٹ لیکر کامیاب ہوئے تھے، انہوں نے جمعیت علمائے اسلام ف کے سربراہ مولانا فضل الرحمان کو شکست دی تھی۔
