واشنگٹن:امریکی صدر ڈونلڈ ٹرمپ نےکہا ہے کہ غزہ امن منصوبہ سب کی حمایت سے طے پایاہے۔معاہدے کے تحت غزہ سے کسی کو زبردستی نہیں نکالا جائے گا۔
اوول آفس میں صحافیوں سے گفتگو میں امریکی صدر ڈونلڈٹرمپ نے کہا کہ اتوار کو مشرقِ وسطیٰ کے دورے پر روانہ ہونے کا ارادہ ہے ۔ انہوں نے کہا پیر یا منگل کو یرغمالیوں کی رہائی کے موقع پر اسرائیل میں موجود ہوں گا۔
فن لینڈ کے صدر کے ساتھ صحافیوں سے گفتگو کرتے ہوئے ٹرمپ نے کہا کہ یرغمالیوں کی رہائی کے بعد دیکھیں گے کہ آگے کیا کرنا ہے۔ ٹرمپ نے ایک سوال کے جواب میں کہا کہ دوبارہ اقتدار سنبھالنے کے بعد انہوں نے دنیا بھر میں تنازعات کے حل کے لیے 8 معاہدے کرائے، جن میں غزہ میں ہونے والا جنگ بندی معاہدہ سب سے بڑا ہے۔
