سونے کی عالمی اور مقامی مارکیٹوں میں نرخ بڑھ گئے

کراچی: سونے کی عالمی اور مقامی مارکیٹوں میں قیمت مزید بڑھ گئی۔

بین الاقوامی بلین مارکیٹ میں فی اونس سونے کی قیمت میں 37ڈالر کا اضافہ ہوگیا، جس کے بعد سونے کی نئی عالمی قیمت 2430ڈالر کی سطح پر آ گئی۔

ادھر مقامی صرافہ بازاروں میں بھی جمعہ کے روز 24 قیراط کے حامل فی تولہ سونے کی قیمت 1000 روپے کے اضافے سے نئی قیمت 256500روپے کی سطح پر آگئی اور اسی طرح فی 10 گرام سونے کی قیمت بھی 857روپے کے اضافے سے 219907 روپے کی سطح پر آگئی۔

سونے کی قیمت میں اضافے کے برعکس ملک میں فی تولہ چاندی کی قیمت بغیر کسی تبدیلی کے 2850روپے اور فی 10 گرام چاندی کی قیمت بھی بغیر کسی تبدیلی کے 2443.41روپے کی سطح پر مستحکم رہی۔