تہران:ایرانی وزارت خارجہ نے کہا ہے کہ فلسطینی مزاحمتی تحریک حماس کے اسرائیل پر حملے فلسطینیوں کے پُراعتماد ہونے کا مظہر ہیں۔
ترجمان ایرانی وزارت خارجہ ناصر کنعانی نے کہا کہ حماس کے حملے اسرائیل کے خلاف فلسطینیوں کے بڑھتے اعتماد کا ثبوت ہیں۔
ان کا کہنا تھا کہ حماس آپریشن میں سرپرائز اور دیگر مشترکہ طریقے استعمال کیے گئے۔
ناصر کنعانی نے مزید کہا کہ حماس آپریشن کا طریقہ کار قابضین کے خلاف فلسطینی عوام کے اعتماد کو ظاہر کرتا ہے۔
ادھر ترجمان عراقی حکومت نے کہا کہ فلسطینیوں کا اسرائیل کے خلاف آپریشن مسلسل قبضے کا قدرتی ردعمل ہے۔
ان کا کہنا تھا کہ فلسطینی کارروائی صیہونی قابض انتظامیہ کے دہائیوں کے جبر کا فطری نتیجہ ہے۔
ترجمان عراقی حکومت نے مزید کہا کہ فلسطینی علاقوں میں کشیدگی سے خطے کا استحکام بھی متاثر ہوسکتا ہے۔
