کوئٹہ: امیر جماعت اسلامی پاکستان سراج الحق کاکہناہے کہ گھر کے لوگ آپس میں لڑیں تو پڑوسی مداخلت کرتے ہیں لیکن امریکا کو پاکستان کے مداخلت کا کوئی حق نہیں۔
کوئٹہ سے جاری اپنے بیان میں سراج الحق نے کہا کہ کراچی میں جماعت اسلامی نے مقامی حکومت کے قیام کے لیے تنظیم کو کراچی کی سطح پر اختیار دیا ہے۔تحریک انصاف نے کراچی میں غیر مشروط حمایت کا اعلان کیا ہے
امیر جماعت اسلامی نے کہا کہ خود کش حملے سے متعلق تحقیقات سے حکومت نے آگاہ نہیں کیا امید ہے حکومت ذمہ داری پوری کرتے ہوئے حقائق سے آگا کرے گی۔
سراج الحق نے کہا کہ 9 مئی کے واقعات پر سیاسی جماعتوں نے مذمت کی ہے اور ہم بھی جلاوٴ گھیراوٴ کی سیاست کے قائل نہیں، 9 مئی کے واقعات کے ذمہ داروں کا تعین کرنا حکومت کا کام ہے۔
انہوں نے کہا کہ گھر کے لوگ آپس میں لڑیں تو پڑوسی مداخلت کرتے ہیں لیکن امریکا کو پاکستان کے مداخلت کا کوئی حق نہیں۔
سراج الحق نے کہا کہ فوجی عدالتوں کے حق میں نہیں، لوگوں کو مشاورت کے لیے جمع کرنے کا اختیار حکومت کے پاس ہے۔
