بشری بی بی کی ایک مقدمہ میں عبوری ضمانت میں توسیع، چیئرمین پی ٹی آئی کی چھ مقدمات پر سماعت ملتوی

اسلام آباد:ڈسٹرکٹ اینڈ سیشن کورٹ نے چیئرمین تحریک انصاف کی اہلیہ بشری بی بی کی ایک مقدمہ میں عبوری ضمانت کی توسیع اور چیئرمین پی ٹی آئی کی چھ مقدمات میں ضمانت کی درخواست پر سماعت ملتوی کردی۔

ایڈیشنل ڈسٹرکٹ اینڈ سیشن جج طاہر عباس سپرا کی عدالت میں سماعت کے دوران بشری بی بی اپنے وکیل خالد یوسف چوہدری کے ہمراہ عدالت پیش ہوگئیں، عدالت نے حاضری لگائی اور بشری بی بی کی عبوری ضمانت میں 28 نومبر تک توسیع کردی۔

دوران سماعت چیئرمین پی ٹی آئی کو عدالت پیش نہ کیا گیااور پیشی سے متعلق رپورٹ بھی پیش نہ کی جاسکی۔

عدالت نے چیئرمین پی ٹی آئی کی 6 مقدمات میں ضمانت کی درخواست پربھی سماعت 28 نومبر تک ملتوی کردی۔