اسلام آباد :وفاقی وزیرداخلہ محسن نقوی اور وزیر مملکت طلال چوہدری نے فیض آباد کا دورہ کیا۔وزیرداخلہ محسن نقوی نے مختلف علاقوں میں سکیورٹی انتظامات کا جائزہ لیا ۔
وزیرداخلہ محسن نقوی نے رات گئے تک عوام کی جان و مال کے تحفظ کیلئے فرائض سرانجام دینے والےاسلام آباد پولیس و فیڈرل کانسٹیبلری کے جوانوں سے ملاقات کی ۔انہوں نے ڈیوٹی پر موجود جوانوں کا حوصلہ بڑھایا ۔
وزیرداخلہ نے فیڈرل کانسٹیبلری اور اسلام آباد پولیس کے جوانوں سے فردا ًفرداً مصافحہ کیا اور ان کے جذبے کو سراہا۔محسن نقوی نے جوانوں سے کھانے پینے کی فراہمی کے بارے پوچھا۔
محسن نقوی نے آئی جی اسلام آباد پولیس کو ہدایت کی کہ ڈیوٹی پر موجود جوانوں کا ہر طرح سے خیال رکھا جائے ۔وزیر داخلہ نے مزید کہا کہ آپ سب پاکستان کے سپاہی ہیں ۔ قانون کی عملداری یقینی بنانے میں آپ نے کلیدی کردار ادا کر رہے ہیں ۔
آئی جی اسلام آبادپولیس، چیف کمشنر اسلام آباد، ڈپٹی کمشنر اسلام آباد اور متعلقہ حکام بھی ہمراہ تھے۔
