اسرائیلی بحریہ کی جانب سے صمود فلوٹیلا پر حملے اور کارکنوں کو حراست میں لے جانے پر دنیا بھر میں احتجاجی مظاہرے جاری ہیں۔
امریکہ ،برازیل ،برطانیہ، اٹلی ، فرانس، اسپین،ترکیہ اور یونان سمیت دیگر ملکوں میں فلسطین کے حامی ہزاروں افراد سڑکوں پرنکل آئے اور اسرائیلی بربریت کے خلاف شدید نعرے بازی کی۔۔اٹلی کے دارالحکومت روم میں مظاہرین نے ریلوے اسٹیشن اور مرکزی شاہراہ بند کر دی، اسپین کے 35 شہروں سمیت برسلز، برلن، اور بیونس آئرس میں بھی بڑی ریلیاں نکالی گئیں۔استنبول میں مظاہرین نے اسرائیلی قونصل خانے کے باہر نعرے بازی کی ۔
