لاہور: انسداد دہشت گردی عدالت نے جناح ہاوٴس حملہ کیس میں پاکستان تحریک انصاف ( پی ٹی آئی) کے رہنماوٴں ڈاکٹر یاسمین راشد اور عمر چیمہ کی ضمانت منظور کرلی۔
لاہور کی انسداد دہشت گردی عدالت کے جج ارشد جاوید نے ڈاکٹر یاسمین راشد اور عمر چیمہ کی ضمانت کی درخواستوں پر سماعت کی۔ عدالت نے یاسمین راشد اور عمر چیمہ کی ضمانت بعد از گرفتاری منظور کرلی۔ ملزمان کے خلاف تھانہ سرور روڈ میں مقدمہ درج ہے۔
پی ٹی آئی رہنماوٴں کو لاہورمیں جناح ہاوٴس پر حملے اور جلاوٴ اور گھیراوٴ کے الزامات پر گرفتار کیا گیا تھا۔ دونوں رہنما زیر حراست ہیں۔
