اسلام آباد: چیئرمین تحریک انصاف کے وکیل لطیف کھوسہ سمیت کئی وکلا ء اسلام آباد ہائیکورٹ کی لفٹ میں پھنس گئے۔
اسلام آباد ہائیکورٹ میں توشہ خانہ کیس کی سماعت کے بعد چیئرمین پی ٹی آئی کے وکیل لطیف کھوسہ واپسی پر لفٹ میں آدھے گھنٹے تک پھنسے رہے ،ان کے ساتھ نعیم حیدر پنجوتھا، علی اعجاز بٹر سمیت دیگر وکلا بھی موجو د تھے۔
عملے نے لفٹ کا دروازہ کھولنے کی کوشش کی مگر دروازہ نہ کھل سکا جس کے باعث لفٹ کے باہر کھڑے وکلا نے لفٹ کا دروازہ توڑنے کی کوشش کی۔
لطیف کھوسہ اور دیگروکلا اسلام آباد ہائیکورٹ کی دوسری منزل پر لفٹ میں پھنسے اور لفٹ گراوٴنڈ فلور تک نہ پہنچی جس کے بعد لفٹ کے باہر موجود وکلا نے شور شرابا شروع کردیا۔
تاہم سی ڈی اے ریسکیو اہلکاروں کی کوششو ں کے بعد لفٹ میں پھنسے وکلا کو نکال لیا گیا ہے۔
