لاہور: وزیراعظم محمد شہباز شریف سے پاکستان مسلم لیگ (ن) کی سینئر نائب صدر مریم نواز کی ملاقات ہوئی ہے جس میں آئندہ کی سیاسی حکمت عملی پرتبادلہ خیال کیاگیا۔
ذرائع کے مطابق مریم نواز وزیراعظم شہباز شریف سے ملاقات کیلئے ملتان جانے سے پہلے ماڈل ٹاوٴن پہنچیں جہاں وزیراعظم کی زیر صدارت اہم مشاورتی بیٹھک ہوئی۔
جس میں وفاقی وزیر قانون اعظم نذیر تارڑ، وفاقی وزیر رانا ثناء اللہ اور عطاء تارڑ بھی موجود تھے جبکہ معاون خصوصی وزیراعظم ملک احمد خان بھی شہباز شریف کی رہائش گاہ پر موجود تھے۔
ملاقات میں شہباز شریف نے بجٹ، مہنگائی اور آئندہ کی سیاسی حکمت عملی پر بات کرتے ہوئے کہا کہ حکومت نے عوام دوست بجٹ پیش کیا اور مہنگائی کو کم کرنے کی کوشش کی۔
