راولپنڈی: پاک بحریہ کے آفیسرز، سی پی اوز، سیلرز اور سویلینز کو عسکری ایوارڈز تفویض کرنے کی تقریب کا انعقاد کیا گیا ۔
آئی ایس پی آر کے مطابق چیف آف دی نیول سٹاف ایڈمرل نوید اشرف تقریب کے مہمان خصوصی تھے، تقریب میں 4 افسروں کو ستارہ امتیاز (ملٹری) اور 4 افسروں کو تمغہ امتیاز (ملٹری) سے نوازا گیا۔
آئی ایس پی آر کا کہنا ہے کہ 104 چیف پیٹی آفیسرز اور سیلرز کو تمغہ خدمت (ملٹری) کلاس II, l اور III تفویض کئے گئے، 44 آفیسرز، چیف پیٹی آفیسرز، سیلرز اور سویلینز کو چیف آف دی نیول سٹاف کی جانب سے ستائشی خطوط سے بھی نوازا گیا۔
آئی ایس پی آر کے مطابق تقریب میں پاک بحریہ کے حاضر سروس اور ریٹائرڈ افسروں نے بڑی تعداد میں شرکت کی۔
