پشاور: نیب خیبرپختونخوا نے پاکستان تحریک انصاف کے رہنما اور سابق وفاقی وزیر اعظم سواتی کو17 جولائی کو طلب کر لیا ہے۔
اعظم سواتی کو سرکاری خزانے سے غیر قانونی اور دھوکہ دہی سے 36 ارب روپے نکالے جانے کے معاملے میں تحقیقات کے لئے طلب کیا گیا ہے۔
نیب خیبرپختونخوا کے مطابق ضلع کوہستان میں سرکاری فنڈز کے غیر قانونی اخراجات کی تحقیقات جاری ہیں ۔نیب کاکہناہے کہ اعظم سواتی کی جانب سے جمع کرائے گئے دستاویزات ناکافی ہیں۔ نیب
پشاور:اعظم سواتی کو نیب پشاور فیز 5 میں پیش ہونے کا حکم دیاہے نیب کی جانب سے 36 ارب کی مبینہ خورد برد پر جامع انکوائری جاری ہے ۔نیب کاکہناہے کہ عدم پیشی پر اعظم سواتی کے خلاف سخت کارروائی ہو سکتی ہے ۔
نیب نے ایم پی اے ڈاکٹر امجد علی کے خلاف معلوم ذرائع آمدن سے زائد اثاثے جمع کرنے کے سلسلے میں انکوائری شروع کی ہے۔ ڈاکٹر امجد علی پر آمدن سے زائد اثاثے بنانے کا الزام ہے ۔
نیب نے اثاثہ جات اور انکم ٹیکس ریٹرنز کی تفصیلات طلب کر لی ہیں ڈاکٹر امجد علی سے 2013 سے اب تک کے اثاثہ جات کی تفصیلات مانگ لی گئی ہیں ۔ریکارڈ 17 جولائی 2025 تک نیب دفتر حیات آباد میں جمع کرانے کی ہدایت کی گئی ہے ۔
