نواز شریف کی ایران کے خلاف اسرائیل کی وحشیانہ جارحیت کی شدید مذمت

لندن :سابق وزیراعظم اور پاکستان مسلم لیگ (ن) کے سربراہ نواز شریف نے ایران پر اسرائیلی حملے کو وحشیانہ جارحیت قرار دیتے ہوئے حملے کی مذمت شدید مذمت کی ہے ۔
مسلم لیگ (ن) کے صدر نواز شریف نے سوشل میڈیا پلیٹ فارم ”ایکس” پر جاری بیان میں کہا کہ ہم ایران کے خلاف اسرائیل کی وحشیانہ جارحیت کی شدید مذمت کرتے ہیں، ایران کی خودمختاری کی کھلی خلاف ورزی کی گئی۔
انہوں نے کہا کہ ہم معصوم جانوں کے ضیاع پر انتہائی غم زدہ ہیں اور اس مشکل وقت میں ایرانی عوام کے ساتھ غیر متزلزل یکجہتی کے ساتھ کھڑے ہیں۔