پاکستان ور آئی ایم ایف کے درمیان اقتصادی جائزے پر مذاکرات کل ہوں گے

اسلام آباد:پاکستان ور آئی ایم ایف کے درمیان71 کروڑ ڈالر کی اگلی قسط کیلئے اقتصادی جائزے پر مذاکرات کل سے شروع ہوں گے،آئی ایم ایف کاجائزہ مشن مذاکرات کیلئے مشن چیف ناتھن پورٹر کی سربراہی میں پاکستان پہنچے گا ،،،مذاکرات پندرہ دن جاری رہیں گے۔

ذرائع وزارت خزانہ کے مطابق آئی ایم ایف جائزہ مشن 15 دنوں کیلئے آج رات پاکستان پہنچ جائے گا، تقریباً 10 دنوں تک تکنیکی سطح کے مذاکرات، 5 دنوں میں پالیسی سطح کے مذاکرات ہوں گے۔

اقتصادی جائزے پر مذاکرات کیلئے وزارت خزانہ نے تمام وزارتوں کی کارکردگی رپورٹ مرتب کر لی ہے، 11 وزارتوں اور اتھارٹیز کی طے شدہ اہداف پر مکمل عملدرآمد اور جزوی عملدرآمد رپورٹ بھی تیار کی گئی ہے ۔

ذرائع کے مطابق وزارت خزانہ، ایف بی آر، وزارت انرجی، وزارت پٹرولیم نے اہداف پر عملدرآمد کیا، بے نظیر انکم سپورٹ پروگرام، وزارت منصوبہ بندی، پیپرا نے بھی اہداف پر عملدرآمد کیا جبکہ آئی ایم ایف کیساتھ کامیاب اقتصادی جائزہ مکمل ہونے پر 71 کروڑ ڈالر کی قسط ملے گی۔