راولپنڈی :پاک آرمی نے گلگت بلتستان میں سات کوہ پیماوٴں کو بچانے کے لئے کامیاب ریسکیو آپریشن کیا۔
پاک آرمی نے سات کوہ پیماوٴں کو کامیابی سے ریسکیو کرلیا جن میں تین روسی اور چار پاکستانی کوہ پیما شامل تھے جنہیں 20100 فٹ کی بلندی سے ریسکیو کیا گیا۔
یہ کوہ پیما ہائی ایلٹیٹیوڈ سکنس کی وجہ سے مشکل میں تھے جس پر پاک آرمی سے ریسکیو کی اپیل کی گئی۔ اس کے نتیجے میں فوری کارروائی کرتے ہوئے، پاک آرمی ہیلی کاپٹر نے تمام کوہ پیماوٴں کو محفوظ طریقے سے نکال لیا۔
تمام کوہ پیماوٴں نے اس مدد پر پاک آرمی کا شکریہ ادا کیا۔
