لاہور:آسٹریلیا کے خلاف دوسرے ٹی ٹوئنٹی میچ میں پاکستان نے کئی ریکارڈز بھی اپنے نام کرلئے۔
پاکستان نے پہلی مرتبہ اپنی سرزمین پر آسٹریلیا کے خلاف ٹی ٹوئنٹی سیریز جیتی ہے۔مجموعی طور پر 2018کے بعد پاکستان نے آسٹریلیا کو ٹی ٹوئنٹی سیریز میں شکست دی ہے۔پاکستان نے 20اوورزمیں 5وکٹوں کے نقصان پر 198رنز بنائے جو آسٹریلیا کے خلاف اس کا سب سے بڑا ٹوٹل ہے۔
پاکستان نے آسٹریلیا کو 90رنز کے مارجن سے شکست دی جو ٹی ٹوئنٹی کرکٹ میں اس کی کینگروز کیخلاف سب سے بڑی فتح ہے۔پاکستانی سپنرز نے پہلی مرتبہ ٹی ٹوئنٹی انٹرنیشنل کے ایک میچ میں تمام 10وکٹیں حاصل کی ہیں۔
