بنکاک:پاکستان روایتی حریف بھارت کوشکست دے کر ایشین انڈر16والی بال چیمپئن شپ کے فائنل میں پہنچ گیا۔
تھائی لینڈ میں جاری چیمپئن شپ کے سیمی فائنل میں پاکستان نے بھارت کو شکست دی۔سیمی فائنل میں پاکستان ٹیم مکمل طور پر بھارت پر حاوی رہی۔ پاکستان کی جیت کا سکور16۔25، 19۔25، 12۔25رہا۔
فائنل میں پاکستان کا مقابلہ کل ایران سے ہو گا، پاکستان کراس اوور راؤنڈ میں ایران کو شکست دے چکا ہے۔
خیال رہے کہ قومی والی بال ٹیم ایونٹ میں اب تک ناقابل شکست ہے ۔
