پاکستان حج مشن کی جانب سے فریضہ حج ادا کرنے والے پاکستانیوں کی منی سے رہائش گاہوں تک منتقلی کا پلان تیار

مکہ مکرمہ : پاکستان حج مشن نے فریضہ حج ادا کرنے والے پاکستانیوں کی منی سے رہائش گاہوں تک منتقلی کا پلان تیار کر لیا۔
منصوبہ کوآرڈینیٹر مکہ اور ان کی مرکزی ٹیم کی سربراہی میں منعقدہ مشاورتی اجلاس میں ترتیب دیا گیا ۔حجاج کرام کی وطن واپسی کا یہ منصوبہ تمام مکاتب کے تعاون سے تشکیل دیا گیا ہے۔
حجاج کرام کو منی سے ان کی رہائشی عمارتوں تک براہِ راست منتقلی کے لیے نئے بس سٹاپس کا قیام عمل میں لایاگیا ہے اس کے ساتھ ساتھ حجاج کرام کی راہنمائی اور معاونت کے لیے نئے چیک پوائنٹس بھی قائم کئے گئے ہیں ۔ حجاج کرام کی معاونت کے لیے بس سٹاپس پر معاونین اور دیگر عملہ موجود ہو گا۔