اسلام آباد : پاکستان نے سعودی عرب ،بحرین ، قطر ،عمان،کویت ،متحدہ عرب امارات کو ترجیحی فہرست میں شامل کرلیا، ان ممالک کو آن ارائیول ویزہ سہولت فراہم کیا جائے گا۔
پاکستان نے گلف دوست ممالک کے لیے ویزہ پالیسی میں تبدیلی کردی اور سعودی عرب ،بحرین ، قطر ،عمان،کویت ،متحدہ عرب امارات کو ترجیحی فہرست میں شامل کرلیا۔
ذرائع نے بتایا کہ ویزہ پالیسی کے تحت ایف آئی اے امیگریشن دوست ممالک کو آن ارائیول ویزہ سہولت فراہم کرے گا اور 24 گھنٹے کے اندر کیس کا جائزہ لیکر ویزادرخواست کا جواب دے گا۔
تمام زونل ڈائریکٹر ویزا کوڈیڈ لائن کے اندر پراسس کروانے کےپابند ہوں گے ، تمام زونل ڈائریکٹر امیگریشن کاونٹرز پر نئی ویزاپالیسی کا اطلاق کروائیں گے، زونل ڈائریکٹرامیگریشن کاونٹرز پر بیٹھنے والے افسران کا خود انٹرویو کریں گے
امیگریشن کاونٹر پر دوست ممالک کے مسافروں کو ”ویلکم ٹو پاکستان“ کہنا لازم ہوگا، آن ارائیول امیگریشن کاونٹر پر خواتین کا کاونٹر بھی لازمی بنایا جائے گا۔
ہرا ئیرپورٹ پرایف آئی اے کا’’فیسلیٹیشن آفیسر ‘‘لازمی تعینات ہوگا، ’’فیسلیٹیشن آفیسر ‘‘اپنےعہدےکا“آرم بینڈ”لازمی استعمال کرےگا ، نئی پالیسی سے باقاعدہ ویزا درخواست کے بغیرآن ارائیول ویزا فراہم کیا جائے گا۔
