نیو جرسی :امریکہ میں پاکستانی طالب علم احمد صدیق کا کک باکسنگ میں گولڈ میڈل جیت لیا ۔ پانچ حریفوں کو چت کر کے قوم کا سر فخر سے بلند کر دیا ۔
نیو جرسی میں سی او سی چیمپئن چیلنج میں پچاس سے زائد سکولوں نے حصہ لیا جس میں پندرہ سے سترہ سال کے ایک سو پچاسی پاؤنڈ وزن تک کے طالب علموں نے شرکت کی ۔ احمد صدیق نے مدمقابل پانچ حریف طالب علموں کو سخت مقابلے کے بعد ہرایا۔ جس پر انہیں سکول میں گولڈ میڈل سے نوازا گیا۔
اس موقع پر احمد صدیق نے کہا کہ وہ محنت جاری رکھتے ہوئے مستقبل میں بھی ملک کا نام روشن کرتے رہیں گے۔
