اسلام آباد:پاکستان کرکٹ بورڈ (پی سی بی ) کے چیئرمین محسن نقوی نے بھارت کے خلاف سیمی فائنل جیتنے پر قومی والی بال ٹیم کو مبارکباددی ہے ۔
اپنے تہنیتی پیغام میں چیئر مین پی سی بی محسن نقوی نے کہا کہ انڈر 16والی بال ٹیم نے سیمی فائنل میں زبردست کھیل کا مظاہرہ کرکے روایتی حریف کو شکست دی۔ بھارت کے خلاف سیمی فائنل میں کامیابی قومی کھلاڑیوں کی انتھک محنت اور جذبے کا ثمر ہے۔
انہوں نے کہا کہ پاکستان انڈر 16 والی بال ٹیم کے کھلاڑیوں نے غیر معمولی صلاحیتوں اور پیشہ وارانہ مہارت سے فائنل میں رسائی حاصل کی۔
چئیرمین پی سی بی محسن نقوی نے فائنل کے لیے قومی ٹیم کے لئے نیک خواہشات کااظہارکیااور کہا کہ امید ہے کہ قومی کھلاڑیوں اسی عزم کے ساتھ فائنل جیت کر وطن واپس آئیں گے۔
