اسلام آباد:صدر مملکت آصف علی زرداری آج چین کے10 روزہ دورے پر روانہ ہورہےہیں ۔ دورے میں پاکستان چین تجارتی واقتصادی تعلقات بالخصوص سی پیک پرتوجہ مرکوز ہوگی ۔
صدرمملکت چین کی حکومت کی دعوت پریہ دورہ کررہے ہیں ۔ وہ چینگڈو،شنگھائی اورسنکیانگ یغور خودمختار علاقے کا دورہ کریں گے ۔صدرمملکت کی چین کے مختلف شہروں کے دورے کے موقع پر صوبائی قیادت سے ملاقاتیں ہوں گی۔ ان ملاقاتوں میں پاکستان چین دوطرفہ تعلقات بالخصوص اقتصادی وتجارتی تعاون ،چین پاکستان اقتصادی راہداری اور مستقبل کے منصوبوں کے حوالے سے تفصیلی تبادلہ خیال کیا جائے گا۔
صدرمملکت کا دورہ دونوں ممالک کے باہمی تعاون کوکثیرالجہتی فورم پر فروغ دینے کےحوالے سے اہمیت کا حامل ہے ۔یہ دورہ پاکستان اورچین کے درمیان اعلی سطح رابطوں کی روایت کو اجاگرکرتاہے ۔
یہ دورہ دونوں ممالک کی ہرآزمائش پرپورااترنے والی تذویراتی شراکت داری کو مزیدمستحکم کرنے کے عزم کا بھی عکا س ہے۔صدرمملکت کا چین کا دورہ خطے میں امن ،ترقی اوراستحکام کیلئے مشترکہ عزم کومزیدتقویت دینے کی بھی غمازی کرتاہے۔
