اسلام آباد: صدر آصف علی زرداری نے کراچی میں آتشزدگی کے افسوسناک واقعے پر گہرے دکھ اور رنج کا اظہار کرتے ہوئے قیمتی انسانی جانوں کے ضیاع پر تعزیت اور جاں بحق افراد کے لواحقین سے دلی ہمدردی کا اظہار کیا ہے۔
صدرِ مملکت نے سندھ حکومت اور متعلقہ اداروں کو ہدایت کی کہ متاثرہ افراد اور تاجروں کو فوری اور ہر ممکن امداد فراہم کی جائے، جبکہ زخمیوں کو بہترین طبی سہولیات کی فراہمی میں کوئی کسر نہ چھوڑی جائے۔
صدر آصف علی زرداری نے دعا کی کہ اللّہ تعالیٰ زخمیوں کو جلد صحتِ کاملہ عطا فرمائے اور متاثرہ خاندانوں کو صبرِ جمیل دے۔
