اسلام آباد:وزیراعظم محمد شہباز شریف ڈیجیٹل پاکستان وژن کے تحت آج آئی ٹی پروگرام کا اجراء کریں گے۔
پروگرام کا مقصد ملک میں جدید ٹیکنالوجی کی بنیاد پر ترقی اور ڈیجیٹل معیشت کا فروغ ہے۔
وزیراعظم کے وژن کے مطابق پاکستان کو خطے میں آئی ٹی کی ابھرتی ہوئی معیشت کے طور پر اجاگر کیا جائے گا۔
پروگرام کے اجراء سے پاکستان میں آئی ٹی انڈسٹری کے لئے سازگار ماحول پیدا ہوگا۔آئی ٹی پروگرام نوجوانوں کو جدید تقاضوں سے ہم آہنگ کرنے میں سنگ میل ثابت ہوگا۔
وزیراعظم پروگرام کے اجراء پر ڈیجیٹل پاکستان کے وژن پر روشنی ڈالیں گے۔
حکومت کا عزم ہے کہ آئی ٹی کے فروغ کے ذریعے قومی معیشت کو مضبوط بنیاد فراہم کی جائے۔ پروگرام سے فری لانسنگ، ای کامرس اور سافٹ ویئر ڈویلپمنٹ کے شعبوں میں سہولیات پیدا ہوں گی اور نوجوانوں کے لئے روزگار کے وسیع مواقع پیدا ہوں گے۔
وزیراعظم کی ہدایت پر آئی ٹی انڈسٹری کے فروغ کیلئے جامع پالیسی فریم ورک تیار کیا گیا ہے۔ پروگرام کا اجراء ڈیجیٹل پاکستان وژن کے اہداف کی تکمیل کی سمت اہم قدم ہے۔ تقریب میں وفاقی وزراء، آئی ٹی ماہرین اور اسٹارٹ اپ نمائندگان شریک ہوں گے۔
