ابو ظہی:وزیراعظم شہباز شریف نے متحدہ عرب امارات کے صدر شیخ محمد بن زاید النہان سے ملاقات کی اور ان کے بھائی شیخ سعید بن زاید النہان کی وفات پر تعزیت کی۔
وزیراعظم شہباز شریف متحدہ عرب امارات مختصر دورے پر پہنچے وزیراعظم نے متحدہ عرب امارات کے صدر شیخ محمد بن زید آل نہیان سے صدارتی محل میں ملاقات کی۔
وزیراعظم نے متحدہ عرب امارات کے صدر شیخ محمد بن زاید النہان سے ان کے بھائی شیخ سعید بن زاید النہان کی وفات پر تعزیت کی. وزیراعظم نے پاکستان کی حکومت اور عوام کی جانب سے شاہی خاندان کے ساتھ افسوس کا اظہار کیا۔
وزیر اعظم شہباز شریف کا کہنا تھا کہ آپ کے غم میں برابر کے شریک ہیں، وزیراعظم نے دعا کی کہ اللہ تعالی مرحوم کو اپنے جوار رحمت میں اعلی ترین مقام عطا فرمائے اور تمام اہل خانہ کو صبر جمیل دے۔
یاد رہے کہ وزیراعظم جمعہ کی دوپہر خاص طور پر یو اے ای کے صدر سے ان کے بھائی کی وفات پر تعزیت کے لئے ابو ظہی پہنچے تھے۔
