اسلام آباد:پاکستان تحریک انصاف کے رہنما صداقت عباسی گھر پہنچ گئے ہیں، وہ کچھ عرصے سے منظر عام سے غائب تھے۔
پی ٹی آئی رہنما یکم ستمبر سے لاپتہ تھے۔ گزشتہ روز راولپنڈی کی انسداد دہشت گردی عدالت نے صداقت علی عباسی کی ضمانت قبل از گرفتاری 10 اکتوبر تک منظور کی تھی۔
صداقت عباسی کی ضمانت 50 ہزار روپے کے مچلکوں کے عوض منظور کی گئی، ان کے خلاف رائل آرٹلری بازار میں سرکار کی مدعیت میں مقدمہ درج ہے۔
ایف آئی آر میں غداری، دہشتگردی، جلاؤ گھیراؤ اور بغاوت کی سنگین دفعات شامل ہیں۔
